කලු පටි ගහපු පොරක් නේද මේ අඬන්නේ

ලංකාවේ දුප්පත් රැකියා වල නිරත වෙන ගොඩක් ලංකාවේ අහිංසක දුප්පත් කොල්ලෝ නිවාඩු ඉරිදාවේ කොරියා භාෂා පන්ති යන්න පටන් අරං..අනිත් අතට උසස් පෙළ ලියලා ගෙදර ඉන්න අපේ අහල පහල ගොඩක් තරුණ ළමයි  දැන් කොරියා භාෂා පන්ති යනවා.කොරියාවේ ගියාට පස්සේ විඳින්න තියන මහා දුක් ගොඩ අමතක කරලා තරුණයෝ එම රැකියා කරා යොමුවීමට ප්‍රධානම හේතුවක් තමයි ...තමන්ගේම කියලා ගෙයක් දොරක් හදන් කාටවත් අත නොපා ජීවත් වීමට තියන කැමත්ත. කොටින්ම මේ වැටිලා තියන වලෙන් ගොඩ එන්න හිතාගෙන. 

මගේ හස්බන්ඩ් ලන්කාවෙන් යද්දී තිබුණට වඩා ලොකු තරඟයක් දැන් කොරියා යන්න තියනවා..එහෙම අමාරුවෙන් ගිහිල්ලා ඔලුව උස්සන්න හදද්දී මල්ලි අහවල් උවමනාවට මට සල්ලි ටිකක් ඕනේ මට සල්ලි ටිකක් දියන්කෝ " කියලා සල්ලි ඉල්ලන්නේ අත පය කපාගෙන ,පුච්චගෙන දුක් විඳලා හම්බකරන සල්ලි වල , සල්ලි වල තියන නිකම්ම නිකන් වටිනාකමට වඩා ලොකු වටිනාකමක් අපිට ඒ සල්ලි ගැන තියනවා කියන දේ තේරුම් නොගෙන..ඒක කුනු කම වත් , ලෝබ කමවත් නෙවේ.. අපිටත් කියලා ඔලුව උස්සගන්න තවම බැරිවෙලා තියන හන්දා 

මෙච්චර කාලේකට අපෙන් ගොඩක් අය සල්ලි ඉල්ලුවේ හරි අමුතු දේවල්වලට..

මේ සංවාද...!

මල්ලි අපේ වෙඩින් එක තියනවා ලබන මාසේ...! පුලුවන්නම් අපිට ලක්ෂයක් දියන් ආපහු අනිවාර්යෙන් දෙන්නම් (නිකන් රුපියල් විස්සක් තිහක් ඉල්ලන ගානට ඉල්ලන්නේ)

මේ දවස්වල නම් දෙන්න විදියක් නෑ ....අපිත් වැඩ වගයකට හිරවෙලා ඉන්නේ

****************************************************

ඇයි යකෝ මුං කටේ තොලේ නොගෑවී ඉල්ලන ලස්සන බලහල්ලකෝ...මුන්ට අහවල් එක කොරගන්නත් මමද සල්ලි දෙන්න ඕනේ(සංවාදය අවසානයේ හස්බන් මගෙත් එක්ක කියනවා)කොහොමත් එයා කාටවත් හිත රිදෙන්න මුකුත් කියන්නෙ නෑ. ඊට පස්සෙ හිතේ තියන ඔක්කොම මාත් එක්ක කියනවා..

අනේ මචං මම අත් ට්‍රැක්ටරයක් ගන්න ඉන්නේ තව 50,000ක් මදි පුලුවන්නම් මට 50ක් දාපන් මම අනිවා උබට ආපහු දෙන්නම් ( මෙයාගේ ගම තිස්සමහාරාමේ..)

මේකට කොහොම උත්තර දුන්නද කියලා මට මතක නෑ ඕන්...

මචං මම සැලුන් එකක් දාන්න කියලා ඉන්නේ පුලුවන්නම් මට සල්ලි ටිකක් දාහං....(මේ ඉල්ලීමද පෙර කෙනාගේමයි)

මචං මගේ ලොරියේ ෆිනෑන්ස් එක හිර වෙලා බං උඹට පුලුවන්නම් ලක්ෂ එකහමාරක් දාපන්කෝ ...ආපහු දෙන්නම්(මට තියන ප්‍රශ්නේ මෙයාලා ලඟ දැන් නැති ලක්ෂ එකහමාර ආයේ පස්සේ හම්බෙන්නේ කොහොමද කියලා)

තව ඉතිං නෑදෑයන්ගේ  සින්න වෙන්න යන රත්තරන්  බඩු බේරගන්න, එතකොට ගෙවල්වල වහල හදාගන්න  තව පොඩි පොඩි දේවල් වලට සල්ලි ඉල්ලුව වාර අනන්තයි මේ අවුරුදු තුනහමාර ඇතුලත,නෑදෑයෝ නම් උදව් ඉල්ලපු එක පාරක් වත් අපි නෑ බෑ නොකියා උදවු කලා.එහෙම කලේ අපිට ඒ අය ගොඩාක් හිතවත් නිසාමයි.නැත්තන් අපිට එහෙම වෙස්සන්තර දාන පාරමිතා පුරන්න බෑ..මොකද අපිත් තවම ඉන්නේ වලේ නිසා...

මට හදිස්සියේ මේ ඔක්කොම මතක් උනේ අද මේ දැන් ටිකකට කලින් උන සිදුවීමක් හින්දා...කොරියාවේ ඉඳලා ලංකාවට නිවාඩු ආපු කෙනෙකුට ලංකාවේදී සල්ලි වගයක් ඕන වෙලා අපෙන් සල්ලි ඉල්ලුවා.මගේ හස්බන්ඩ් මට කතා කරලා කිවුවා එයාට සල්ලි දෙන්න කියලා...මමත් සල්ලි දෙන්නේ මොකටද කියලවත් ඇහුවේ නෑ...මම අදාල කෙනාගේ වයිෆ්ට සල්ලි දුන්නා....දැන් එයා නිවාඩු ඇවිත් ඉඳලා ආපහු කොරියාවට ගිහිනුත් මාස පහක් විතර වෙනවා..සල්ලි ආපහු දුන්නෙත් නෑ..අද කතා කරලා එයා ආපහු  සල්ලි ඉල්ලලා.අපේ හබීත් පරණ සල්ලි ගැන මතක් කරලත් නෑ...සල්ලි මේ වෙලාවේ නැහැ කියලා කියලා...ඇත්තටම එයා ලඟ සල්ලි නෑ. නැත්තන් ආපහු සැරයක් උනත් එයා නම් සල්ලි දෙනවා..පොඩ්ඩක් දුක හිතෙන විදියට කිවුවොත් එහෙම බඩේ තියන එකත් ඇදලා දෙනවා

අපේ එක්කෙනාව ආශ්‍රය කරලා තියන අය හිතන්නේ එයාගේ හිත හොඳ කම හින්දා එයාගෙන් සල්ලි ගලවගන්න පුලුවන් කියලා,නැත්තන් ඉතිං මෙහෙම බය සැක නැතුව ඉල්ලාවියැ....අපේ හබීට දවසක් කේන්ති ඇවිත් මාත් එක්ක කියනවා " මේ ඔක්කොම සල්ලි ටික ඔය ඉල්ලන ඉල්ලන අයට දීලා මම ලංකාවට එන්නම්,අපි දෙන්න කුලියට ගෙයක් අරන් ඉමුද" කියලා..ඒ ඉල්ලන හැමෝටම සල්ලි දුන්නනම් අපිට කුලියට තමයි ඉන්න වෙන්නේ,,,

****************************************************

හා දැන් ඒ කතා ඉවරයි...මේක රස කතාවක්....

අපේ හබීට කොරියාවේදී  පහුගිය අවු 3 හමාර ඇතුලත යාලුවෝ විශාල ප්‍රමාණයක්  හම්බවෙලා තියනවා..ඒ අතරේ මුස්ලිම් යාලුවෙකුත් ඉන්නවා.අපි එයාට කියමුකෝ ෆාහිම් කියලා.තව යාලුවෙක් ඉන්නවා ,එයාට කියමු තිලිණ කියලා.මේ දෙන්නම අපේ හබීගේ කම්පැනි එකේ නෙවෙයි.ඒ දෙන්නත් කම්පැනි දෙකක.ෆාහිම් ඉන්නේ අපෙ හබීගේ කම්පැනි එක ලඟම කම්පැනි එකක.තිලිණ ටිකක් දුරින් ඉන්නේ.ලංකාවේ ඉඳන් කොරියා ගිය අය කවුරු කොරියාවේදි හම්බුනත් තරාතිරම ජාති කුල මල නැතුව, ඔක්කොම ලාංකිකයෝ හැටියට තමයි අපේ හබී නම් ආශ්‍රය කරන්නේ...ඇත්තටම අපේ හබීට එක එක විදිහේ ගති ගුණ තියන යාලුවෝ ඉන්නවා...සමහර වෙලාවට ඇණ වෙන අයත් ඉන්නවා...ඒත් කිසිම භේදයක් ගැන නොහිතා අපේ හබී ඒ අයව ආශ්‍රය කරනවා...එයා විතරක් නෙවෙයි.කොරියාවේ ඉන්න ලාංකිකයෝ ගොඩක් අය ඒ වගේ තමයි.  

තිලිණ එක්ක එක කාමරේ හිටපු සමහරු තමන්ගේ කාලය අවසන් වෙලා ලංකාවට ගිහින් , තව සමහරු කම්පැනි මාරු කරලා..ඉතින් තිලිණගේ හිත මිත්‍රාදීන් කවුරුත්ම දැන් එයාගේ කාමරේ නැහැ.කම්පැනි එකෙන් පරණ ගිය අය වෙනුවට ලංකාවෙන් අලුත් අයවලුන් ගෙන්නලා.ඒ අතරේ ඉඳලා තියනවා ටිකක් නාහෙට අහන්නෙ නැති වලියටම බර කෙනෙක්.ආ දවසේ ඉඳන් තිලිණ එක්ක කොක්කටමලු එන්න හදන්නේ..දැන් තිලිණ පරණ සාමාජිකයා උනාට වැඩක් වෙන්නෙ නෑ..මොකද අලුතෙන් 6 දෙනෙක් විතර එකටම තමයි ගෙන්නවලා තියෙන්නේ.ඉතිං අලුත් අය අලුත් අයටනේ සපෝට් කරන්නේ..මේ හේතුව නිසා තිලිණ ඉවසන් ඉඳලා අපේ හබීට කෝල් කරලා විස්තරේ කියලා.තව සෙට් එකකුත් සෙට් කරගෙන එයාගේ කාමරේට නිවාඩු දවසේ එන්න කියලා .පොඩ්ඩක් අර අලුත් සෙට් එක බය කරවන්න. :D " මටත් හොඳ සෙට් එකක් ඉන්නවා" කියලා පෙන්නන්න වගේ.

ඉතින් දැන් කී පරිදි අපේ හබී එක්ක එකට කාමරේ ඉන්න තුන් දෙනයි, අර අනිත් කාමරේ මුස්ලිම් යාලුවයි , එයාගේ තව යාලුවෝ දෙන්නෙකුයි නිවාඩු දවසේ තිලිණගේ කාමරේට ගිහින්.යද්දී යාලුවෝ 25 ක් විතර තිලිණ කෝල් කරලා ගෙන්නවගෙනලු. රෑ ආපු අයට නිදාගන්නවත් හරියට තැනක් තිබිලා නෑ...

ඉතින් සැමන් ඇහිරුවා වගේ අමාරුවෙන් උදේ වෙනකන් කට්ටිය නිදාගෙන...රෑ මුකුත් සද්දයක් බද්දයක් නෑලු.උදේ පාන්දර අපේ හබීට හීනෙන් වගේ ඇහෙනවලු,මෙතන දැන් ෆාහිමුත් ඉන්නවලු .  "මචං ...එහෙම නෙවෙයි උබලා අවුල් දාගන්නේ නැතුව ඉඳහල්ලා..තිලිණයට අවුලක් උනොත් ඉතිං අපි ඔක්කොම තිලිණයා ගැන බලනවා..."දැන් හොඳින් දේශනාව දෙන්න පටන් අරන්ලු අර නාහෙට අහන්නෙ නැති කෙනාට :D

අපේ හබී නිදි පැදුරෙන් එහෙම්ම ගිහිං කට්ටිය මැද්දට කඩා වැදිලා කලබලෙන් වගේ ඇහුවලු " කෝ කෝ ෆාහිම් ඉන්නවද....අපි මේක ගොඩින් බේරගන්නම්, මේක කතා කරලා විසඳගන්න පුලුවන් ප්‍රශ්නයක්නේ බං ... ෆාහිම් උඹ නං මැද්දට පනින්න එපා ඈ...." කියලා

දැන් කට්ටිය හොල්මංලු .. ඇයි ෆාහිම්වම හොයන් පැන්නෙ කියලා ..ඉතින් ඔය් අතරේ හිටපු එක යාලුවෙක් හෙමිහිට හබී ලඟට ඇවිත් අහනවලු " ඒ ඇයි බං ඌ පොරක්ද ? කියලා

නැත්තං ........ පොරක්ද ත් අහනවා, ඕකා කලු පටි ගහලා ඉන්නේ...නාහෙට අහන්නෙ නෑ ඔහොම හිටියට...වැඩිය සද්ද බද්ද කරන්න යන්නෙපා පොර ඉස්සරහා  " කියලා  අපේ හබී උත්තර දුන්නලු..   (එයා කරාටේ කියන වචනේ විතරයි දන්නේ මයෙ හිතේ)   :D

ඒ තරමට ඇඟක් පතක් නැති ෆාහිම්ව පෙන්නලා සැකෙන් වගේ තව කෙනෙක් අහනවලු " මචං අර.....අර අයියා ගැනද උඹ ඔය කියන්නේ " කියලා..  :D

මේ සාකච්චාව හීනියට වගේ ඇහුන ෆාහිම්ගේ මොරාල් අප් වෙලා දැන් කතාව හරි සද්දෙටලු..

"අඩෝ මේ ..., උඹලා මෙතන කේස් දාගන්න ලෑස්තිවෙන්න එපා හොඳේ.. ඊට පස්සෙ අපිටත් අත දාන්ඩ වෙනවා මේවට...." කියලා පොර ටෝක්ස්ලු දැන්.

http://adastrasportsschool.com/karate/

ඉතින් මේ සිද්දියෙන් පස්සේ මචං කියලා ෆාහිම්ට කතා කරපු කට්ටිය අය්යේ කියලා ගරු සරු ඇතුවලු දැන් කතා කරන්නේ..පස්සේ එතනින් ශේප් වෙලා, අවුලත් ශේප් කරලා  කට්ටිය කාමරවලට ගියාලු.
***************************************************

මේ කියන්න යන සිදුවීම උනේ දැනට හරියටම සතියකට උඩදී...ඒ කියන්නේ ගිය සෙනසුරාදා...එදා ෆාහිම් තව යාලුවෝ දෙන්නෙකුත් එක්ක අපේ හබීලගේ කාමරේට ආවා...ඇවිත් රෑ කට්ටියත් එක්ක එකට උයලා තියෙන්නේ.ෆාහිම් ඩෙවල් එකකට එලවලු කපන්න උදවු කරලා... කතා අස්සේ එලවලු කපද්දී ඇඟිල්ලකුත් කැපිලා.පස්සේ රෑම හොස්පිටල් එක්කරගෙන ගිහින් 

හොස්පිටල් එකේදී ෆාහිම්ට බය හිතිලා... මැහුම් දාවිද , රිදේවිද මොකක් වෙයිද කියලා....ෆාහිම්ගේ  ඇස් දෙකේ කඳුලුත් පිරිලලු. 

ඒක දැකපු අපේ හබී කිවුවලු  "හාපෝ විලි ලැජ්ජයිනේ....කලු පටි ගහපු පොරක් නේද මේ අඬන්නේ " කියලා :D

අම්මා අප්පච්චිව හුරතල් කරන්නකො

ඔන්න කාලෙකට පස්සේ හිතට ෆිට් ඊයෙයි අදයි! අපේ ලොකු අක්කා කෙලි පොඩ්ඩත් එක්ක මහ ගෙදර ආවා..ඉතිං ඕන එපා කමකට විතරක් කතා බහ කරන අපෙ නැන්දම්මයි,මාමණ්ඩියි එක්ක ඉඳලා එපාවෙලා ඇතිවෙලා තිබුන මට මේක ඉතින් මහ මෙරක් වගේ තමයි..ඊයේ අපේ මාමණ්ඩිත් එක්කලා මං ගියා බලංගොඩ ඉඩමක් බලන්න.ඔවු ඔවු අපේ බ්ලොග් ලියන චන්දන අය්යලාගේ ගම් පලාතෙ තමයි..පළාත නං හරිම ලස්සනයි. ඒත් ඉතිං ඉඩම නං හරිගියේ නෑ ඔන්න.


අපි හොයන්නේ වවන්න ඉඩමක් තමයි..තේ රබර් වගේ ඉඩමක්...ඒත් ඉතිං තවම අපිට හරියන ඉඩමක් සෙට් උනේ නෑනේ අප්පා..අපි බලන්න ගිය ඉඩම මුඩු අක්කර පහක්.අරගෙන වගා කරනවා කියලා හිතාගෙන තමයි බලන්න ගියේ,ඉඩමත් හොඳයි,පදිංචියට  උනත් සුදුසුයි,ඒත් ඒක වගා කරන්න සුදුසු නෑ කියලා තමයි හිතෙන්නේ..ඒ නිසා අපි වැඩේ අතඇරලා දැම්මා.


හොඳම වැඩේ කියන්නේ ඒ ඉඩම අයිති කෙනෙකුට නෙවෙයි, ඒක 7 දෙනෙකුට අයිතිය තියන ඉඩමක්...අපිට ඉඩම පෙන්නන්න ආවේ ඒ අයගෙන් එක අයිතිකාරයෙක්.එයා කියපු විදිහට එයා පල්ලියක මොකක් හරි සංගමයක ප්‍රධානියෙක්..! ඒ සංගමයේ 7 දෙනෙකුත් එක්ක තමයි ඒ ඉඩම අරං තියෙන්නේ...මේ මට එතුමා කියපු කතාව...! 

"අපි පල්ලියක සංවිධානයක වැඩ කටයුතු කරන අය.. (එතුමා ඇවිත් හිටියේ එතුමාගෙ බිරිඳ සමග ) මම තමයි ඒ සංවිධානයේ ප්‍රධානියා..අපි මේ ඉඩම ගත්තේ පුනරුත්තාපන කඳවුරක් හදන්න...ඒත්........අපි බලාපොරොත්තු උන දේ අපිට කරගන්න බැරි උනා..

අපි මේ ඉඩම අරං මුල් පියවර තියනකොටම ගමේ මිනිස්සු කුලප්පු කෙරෙව්වා පන්සලේ හාමුදුරුවොයි , ලොකු ලොකු උදවියයි  'ආගම පතුරවන්න කුමන්ත්‍රණයක් තමයි මේ ගෙනියන්නේ' කියලා ...පස්සේ මිනිස්සු ඉඩමට ගිනි තිබ්බා..ඒකෙන් මගේ හිතනං ගොඩාක් කලකිරුණා මෙච්චර හොඳ දෙයක් කරන්න හදලත් මෙහෙමද අපිට සැලකුවෙ මිනිස්සු කියලා.."

ඉතිං ඒ ඉඩම විකුණන්න තීරණය උනේ ඔන්න ඔහොමලු... ඇත්තටම ඒගොල්ලො කරන්න හදපු දේ නං මොකද්ද කියන්න මම දන්නෙ නෑ..කොහොමහරි ඒ ඉඩම ලුණු තිරිවනාව තියනවා කියලා අපේ හස්බන්ඩ් ගේ තාත්තා නං කිවුවා.එහෙම තියෙනකොට මුකුත් වගාවන් හරියන්නේ නැතිලුනේ..

ඉතිං ඔය ඉඩම බලලා එද්දී තමයි රත්නපුරේ ඉඳලාම අපේ අක්කලත් අපිත් එක්ක මෙහේ ආවේ..පුංචි කෙල්ල නං හරිම කටකාරි.දැං  එයා ඉන්නේ තුනේ පංතියේ..අද හවස එයාලා ආපහු ගියා...දැන් ඉතින් මට හරිම පාලුයි.අක්කලා ආයේ ලබන සෙනසුරාදා මෙහේ එනවා කිවුවා දෝණිත් එක්කරගෙනම.(මේ කියපු පුංචි කෙල්ල දෝණිගේ නංගි ) දෝණි මේ දවස්වල පොඩ්ඩක් අසනීපෙන් ඉන්නේ..ඉතිං එයා ආවෙත් නෑ කාලෙකින්...හ්ම්ම්..! මේ දවස්වල අගෝස්තු නිවාඩුව නිසා අක්කට මං කිවුවා පුංචි එකී මගේ පාලුවට තියලා යන්න කියලා..ඒ උනාට තියලා ගියේ නෑ . පන්ති තියනවා කියලා අරං ගියා...  :( කෙල්ල නං මාර ට්‍රයි එකක් දුන්නෙ ඉන්න.

ඉතින් අම්මෙ සඳුදාට ඉංග්‍රීසි පංති විතරයිනේ මග ඇරෙන්නේ මන් ඉන්නම්කො...

එතකොට අක්කා කියනවා "ඒ උනාට පුංචි එකී නැති උනහම මට පාලුම පාලුයි නේ ඉතින්

ඉතිං අම්මට දෝණියි සුදුයි දෙන්නම ඉන්නවනේ පාලුවට

ඒ උනාට ඌදි (උශාදි නම කෙටි කරලා) නැතුව මට කවුරුත් හිටියට වැඩක් නෑ ,ඒගොල්ලො හුරතල් කරන්න බෑනේ මට... 

එහෙනං අප්පච්චි ඉන්නේ අම්මා අප්පච්චිව හුරතල් කරන්නකො ඉතින් :D




ප.ලි ::::::::: ඔන්න ඔයලාට දැනගන්න ලැබුනොත් අක්කර 3-5 ක වගේ සාධාරණ මිලක් ඇති ඉඩමක් ගැන තේ රබර් වවපු හරි මුඩු ඉඩමක් හරි මේ රෙහානිට පොඩ්ඩක් දැනුම් දෙන්න ඈ.. පිං සිද්ධ වෙනවා...!

Yanjeriso ge malpeyo mogesso ?

මම දන්නවා හෙඩිම දැක්කම මොකද මොකද වගේ උනා කියලා , මේ මොකද්ද මේ හරුපේ කියලා .හරුපේ තව ටිකකින් දැනගන්න හම්බෙයි ...හි හි ..ඔන්න මේක අපේ හස්බන්ඩ් ගේ කතාවක් .ඉරිදා දවස කියන්නේ අපේ එක්කෙනාට විතරක් නෙවෙයි කොරියාවේ වැඩ කරන හැමෝටම දිව්‍ය විමානෙට ගියා වගේ තමයි .සමහර කොරියාවේ වැඩ කරන අයට ඉරිදාට නිවාඩුවක් ලැබෙන්නෙත් නෑ .එහෙම අය නං හරිම පව් .

ඉතිං මේ කියන දවසෙත් ඔන්න අපේ එක්කෙනා මගෙත් එක්ක චැටක් දාගෙන හිටියේ .(ඇත්තටම මෙහෙම මුණට මුණ බලාගෙන කතා කරන්න පුළුවන් කම තියන එක කොච්චර වටිනවද ..ඉස්සර රට රටවල් වල හිටපු උදවිය පාළුව තනිකම කාන්සිය කොහොම නිවාගත්තද මන්දා ,ඔය ඉඳලා හිටලා කරන්ට් එක කපපු දාට එපා වෙනවා ..එක දවසට අපිට එහෙම නං අවුරුදු ගානක් නොදැක මාසෙකට දෙකකට සැරයක් ලියුම් විතරක් හුවමාරු කරගත්තු උදවිය අනේ මන්දා හිතා ගන්නත් බෑ ..ඒ අතින් අපි වාසනාවන්තයි කියා හිතෙනවා .)චැට් කරන අතරතුරේ මෙයාට තව අය්යා කෙනෙක් මැසේජ් කරනවා .එයා ලංකාවේදී අපේ එක්කෙනාත් එක්ක එකට කොරියා යන්න හැමදෙයක්ම කලේ, ගයාන් කියලා අය්යා කෙනෙක් .භාෂා පුහුණු පංති වලට එහෙම එකට ගියේ .

දැන් මෙයා මැසේජ් කරන්නේ තනිකරම කොරියන් වලින් ලු .අපේ එක්කෙනත් හිනාවෙවී ඒවා කියවන ගමන් අතෑරියේ නෑ වැඩේ .දැන් එයත් කොරියන් වලින්ම රිප්ලයි දෙනවා .ඔහොම දිගටම කතා බහ ඇදීගෙන යනවා .

දැන් බැරිම තැන අපේ එක්කෙනා ඇහුවලු "උඹේ ඔලුව කොහේ හරි හය්යෙන්  වැදුනද ?"

නෑ බං ..............................ඇයි ඒ ?

එහෙනං දන්නා සිංහලෙන් කතා කරහන් :D

එහෙම කිවුවම හොඳට හිනාවෙලා ආපහු කොරියන් වලින් මැසේජ් කරනවලු .  :D

එයා එවපු කොරියන් මැසේජ් එකකට කොරියන් වලින්ම රිප්ලයි දාල මෙන්න මෙහෙම ඇහුවලු 

Yanjeriso ge malpeyo mogesso  ?

හෑ ...............අඩේ ඒක මට තෙරුන් නෑ නේ බං 

ප .ලි :::::: කොහේ තේරෙන්නද ඉතිං ඒක එක කොරියන් වචනයක් වත් නැතිකොට ! :D බේරෙන්න බැරිම තැන ඉතිං ඔන්න ඔහොමලු යාළුවාව කොර කලේ .ඊට පස්සේ පහු කාලෙක දවසක් කට්ටිය සෙට් උනාම මේ කතාව කියලා ඉතිං ඇට්ටි හැලෙන්න හිනා එහෙම උනාලු .

ගිජු කතාව සහ නිල් යකා ..

ඒ දවස්වල අපේ ගෙවල් වලට කරන්ට් දීල නෑ , අපිට ගෙවල් තුන හතරකට එහායින් තිබුන සුනිල් මාමලාගේ ගෙදරට කරන්ට් එක තියනවා ...ඒ කියන්නේ මීටර් හාරසියයක විතර දුරින් වගේ .ඉතිං ඔය කාලේ අපි ටෙලි නාට්‍ය බලන්න යන්නේ සුනිල් මාමගේ දිහාවට .එතකොට අහුවෙන්නේ එක චැනල්  එකයි ..ජාතික රුපවාහිනිය විතරයි .ඉතින් 8.30 ටෙලි නාට්‍ය බලන්න අපි එහාට යනවා සමහර දාට ..දවසක් අපේ අය්යා අපිට එහා පැත්තේ ගෙදර සඳුන් අය්යත් එක්ක ගියා නාට්‍ය බලන්න ,තාත්තගෙනුත් අවසර අරං .එතකොට දෙන්නගේ වයස කියනවනම් අපේ අය්යට අවු ;12 ක් ,සඳුන් අය්යට අවු ;15 ක් වගේ .මං හිතන්නේ ඔයාලට මතක ඇති ඉස්සර ගියපු "ගිජු " කතාව .ජයසේකර අපෝන්සු රඟපෑවේ .ඒක තමයි එදා බලන්න දෙන්න එක්ක ගියේ

                                                                                      මට මතක හැටියට වෙලාව 7.45 විතර ඇති, '"බුදු  අම්මේ මට නිල් යකා ගැහුවෝ " කියාගෙන අය්යා ගෙදර ආපි .මායි තාත්තයි මල්ලියි එතකොට ඇහැරලා හිටියේ ..මල්ලියි මමයි අපිට හොල්මං උනා වගේ කටවල් ඇරන් බලන් ඉන්නවා .අය්යා  හොදටම බය වෙලා වෙව්ලනවා .,අඩනවා .අපේ අප්පොච්චත් මොකද කොලේ දන්නවද?කුස්සිය මුල්ලේ තිබුන ඉලපතක් හොයාන ඇවිත් අය්යාගේ පිටට ගහගෙන ගහගෙන ගියා .අපේ තාත්තලාගේ විශ්වාසයක් තියනවා බය වුන කෙනෙකුට ඉලපතෙන් පහර දුන්නම බය  ඇරෙනවා කියලා ..මෙලෝ දෙයක් නොතේරෙන මම අඩන අය්යාට ගහන තාත්තට හිතින්  බැන බැන අඩ අඩා බලන්  හිටියා .තාත්තා අය්යාට  නූලක් මතුරවලා දාල පස්සේ හෙමින් සීරුවේ  ඇහුවා මොකද රෑ උනේ කියලා

"බුදු  අම්මේ මට නිල් යකා ගැහුවෝ "

                                                                                                              " මම කතාව බල බල ඉන්නකොට සඳුන් අය්යාට කතාව බලන්න කම්මැලියි කියලා මට ගෙදර යන්න අඬගැහුවා , මං කිවුවා බැහැ ඔයා යන්න කියලා , මොකද මං හොල්මං කතාවට ගොඩක් ආසයිනේ ..එහෙනං උඹ බලලා වරෙන් කියලා එයා ගියා .මං කතාව බලලා තනියෙන් එනකොට මගදී කරුවලේ බය හිතුනා .ඉතිං මං අත්  දෙකෙන්ම මුණ වහන් ඇඟිලි කරු අතරින් බල බල ආවේ ..අපේ ගෙට එහා වංගුවේදී (එතන පෙරේත තටු දාන තුන් මං හන්දියක් ) උඩහ පාරෙන් කවුදෝ එකෙක් කෑ ගහගෙන මයේ ඇඟට පැන්නා .ඌ මට පෙනුනේ නිල් පාටින් " අය්යා බිය මුසු මුහුණින් විස්තරේ ප්‍රකාශ කරාන ගියා .                            ***************************************************                                                                                                                ප .ලි .   ::::::::::::  අපේ විද්වත් උදවිය හොල්මං පිළිගන්නේ නෑ නේද ආයිබෝවන් .. :D   හැබැයි , අපේ අය්යා දැක්කේ හොල්මන තමයි සඳුන් අය්යා :D එයා අඬ ගහද්දි අපේ අය්යා ආපු නැති කේන්තියට තමයි එහෙම කරලා තියෙන්නේ .අය්යාට බයට මතක් වෙලාත් නැහැ සඳුන් අය්යා ඇඳගෙන හිටියේ නිල් පාට ටී ෂර්ට් එකක් කියලා .මේං පහුවෙනිදා විස්තරේ වමාරලා සඳුන් අය්යා "ගණන් ගන්න එපා මචං පොඩි විහිළුවක් කලේ " කියපි . අනේ ඉතිං අපේ අප්පොච්චා හන්දා හොඳයි ඉතිං :D  

"ගණන් ගන්න එපා මචං පොඩි විහිළුවක් කලේ " 

සමරු පොතේ පිටු ගැලවී

ඉස්කෝලේ කාලේ කොහොමද ? පුංචිම පුංචි කාලේ ඒ කාලේ වැඩිපුරම මතකයන් තියෙන්නේ රණ්ඩු ගැන තමයි . චුට්ට එහා මෙහා උන ගමන් බලන්නේ කොක්කක් ඇදගන්න .ඕ ලෙවල් කරන කාලේ එහෙම නෑ  ගෑනු පිරිමි භේද නෑ ,එකමුතුයි !මට මතකයි ඔය කාලෙත් අපි හැංගි මුත්තං තිබ්බා . අර අඩි අඩි පොල්ල කියන්නේ .ආං ඒක , නැත්තං ගුඩු පනිනවා ඒවටනං කොල්ලෝ නෑ .එල්ලේ ගහනකොට ආය කොල්ලොත් ඉන්නවා .ඒ කාලේදී තිබුනේ දාංගලේ තමයි .හැබැයි ඔය හැම කාලෙකටම වඩා වෙනස් ඒ ලෙවල් කරන කාලේ ...මේ කාලෙට කියන්නේ ගුස්පී අදින කාලේ කියලා .මේ කාලේදී කාට හරි ගිනි දීල සතුටු වෙන කාලේ ,නැත්තං කාවහරි මඩවල සතුටු වෙන කාලේ .අපිත් ඉතිං ඔය කාලේදී ඔව්වට සහභාගී උනාලු ඇ . ඒ විතරක් යෑ ඇයි සම වයස්  ප්‍රේමය නැගලා යන කාලේ .කොල්ලන්ගේ වැඩේ ඉතින් කෙල්ලන්ට රබර් ඇහැ දාන එක තමයි .අපේ පන්තියේ කොල්ලෝ කෙල්ලෝ එකතු උනහම හරි අමුතු මාතෘකා තමයි ඇදල ගන්නේ .ඒවා සාකච්චා කරලා බඩ පැලෙන්න හිනා වෙනවා .ඔන්න අපේ හෙඩ් ෆ්රිෆෙක්ට් බෝයි දවසක් ඇදල ගත්තු මාතෘකාවක් !"මචන්ස් මිනිස්සුන්ට නැටි තිබුනනං කොහොම වෙයිද ?" ඕං පුරස්නේ  දීපන්කො උත්තර ! අනේ දෙය්යනේ කියලා මුළු පන්තියම වාගේ කට ඇති දුවරු පුත්තු තමයි උන්නේ . "එහෙනං බං කෙල්ලන්ගේ සුදු ගව්මේ හිලක් හදන්න වෙනවා " එක අහපු අපෙ කට ඇති දුවෙක් කියපි 'ඉතිං උඹලගේ හිල් හදන්න වෙන්නේ නැද්ද එතකොට "හොඳම කතාව කිවුවේ සමනා "එහෙම උනානං ඒකෙනුත් හුප්පේ අපිට තමයි ,බලහං මේ කාන්තා පාර්ශවේ කේශ කල්‍යාණය

  හින්දා බස් එකක් ඇතුලෙදි කොච්චර  කට්ටක්ද අපි කන්නේ ? මුන්ට තව නැටිත් තියෙන්ඩ තිබුණේ ..එහෙනං හෙන කචල් ටිකක්  බලාගන්න තිබුනා කට්ටියගේ නැටි පැටලිලා " අම්බෝ .. ඒ කතාවටනං රෙහානියා චිත්ත රූප මවාගෙන  උණ්ඩුකපුච්චයෙනුත් හිනා උනා ."ඇයි මචං කෙල්ලෝ පස්සේ ටෝක් දදා යන කොල්ලෝ "නංගි පොඩ්ඩක් ඉන්ඩකෝ " , "නංගි ඔයාගේ නම මොකද්ද" කියල එහෙම නැට්ටෙන් ඇදල ටෝක්ස් දෙයිනේ බං "...මේවා ඔක්කොම අහන්  ඉඳපු අපේ කටකාර කෙල්ලෙක් කියනවා"ඇයි බං නැට්ට අගිස්සෙන් ස්ට්‍රේට් කරලා ,කලර් කරලා , කටු ගහල එහෙම ස්ටයිලුත් කරයි එහෙනං " කියලා .ඊට පස්සේ මේ කතාව  ඔහොම ඔහොම  බොහෝ  දුර ඇදුනලු !

රබර් ඇහැ දාන කොල්ලෝ :D 

ඉතිං මේ සමනල රෑනක් සේ ඉගිලී අකුරට යන පාසල් කාලේ ගැන වදනක් විතරයි මේ .අම්බෝ තවනං කොච්චරද ?ඒ ලෙවල් කරලා ඉස්කෝලෙන් සමුගන්න කාලේ වෙනකොට  මාර දුකක් හිතේ තියෙන්නේ ..සුදු ගව්ම ඇඳලා අන්තිමට ඉස්කෝලේ ගිය දවසේ ගේට්ටුවෙන් එලියට ඇවිත් තව තවත් ඉස්කෝලේ දිහා හැරිලා බැලුව ..ඇත්තටම ඒ දුක දැනුත් මගේ හිතට දැනෙනවා .අර මොරටුවේ වේල්ස් කුමරේ කරනවා වගේ ආයෙත් ඉස්කෝලේ යන්න දවසක් එනවනං කියලා බොළඳ සිතුවිල්ලකුත් මට ඇතිවෙනවා .දැනුත් ඉස්කෝලේ ඉස්සරහින් යද්දී අපි හිටපු තැන්වල වෙන අය ඉන්නවා දැක්කහම පුංචි ඉරිසියාවකුත්  එක්ක පුංචි දුකක් එනවා .ඒ ඉස්කෝලේ කාලේ අන්තිම දවස් ටිකේ හැමෝම වගේ කරන වැඩක් තමයි සමරු පොත් ෂෙයාර් කරලා අත්සන් ගන්න  එක .මේ වැඩේ කරන්නේ හුඟක්ම ගැහැණු ළමයි තමයි .පිරිමි ළමයිනුත් ටික දෙනෙක් කරනවා .මට අද  අල්මාරියේ තිබිල මගේ සමරු පොත හම්බ උනා ..එකේ  දුක හිතෙන ලියමන් ,හිනා යන ලියමන් ඔය වගේ අපුරු දේවල් ගොඩයි .බලන්නකෝ ඇත්තද කියලා

මේ ම‍ගේ හොඳම යාලුවා

මෙයා කෙටි කතාවක් වගේ හුඟාක් දේවල් ලියලා තියනවා මගේ සමරු පොතේ .පිටු හතක විතර .අපේ සෙට්  එකේ හිටපු එක කට කාරියෙක් තමයි මේකි ,නැති දවසට පන්තිය පාලුයි .

                            මෙයා ටිකක්  විතර අහිංසක පාර්ට් එකෙන් ඉන්නේ .ඒ උනාට යටින් හොඳ හොඳ ගේම් දෙන්නේ .මෙයා අපි එක්ක හිටියේ පොඩි කාලයයි .ඒ උනාට යාළුවන්ට පණ උනත්  දෙන මනුස්සකම තියන කෙල්ලෙක් .

                          මෙයා තමයි අපේ සෙට් එකේ ඇත්තටම අහිංසක කෙල්ල .වැඩිය කතාවක් නෑ .නපුරුත් නෑ .නූලෙන් කැම්පස් යා ගන්න බැරි  උනා අපරාදේ ..කෙල්ල දක්ෂයි .

                          

මෙයත් කටකාරියක් ..රචනාවක්ම ලියල තිබුණා

                           

     

ඔන්න අන්තිමට තියෙන්නේ පිස්සු පිටු ලු ඇ ...මුං පිස්සු පිටුවල ලියල තියන  සමහර එව්වා මේකේ දාන්න බැරි  නිසා බලධාරියා  විසින් කපා හරින ලදී . තවත් ලියපුවා නම් බොහොමයි  . අප්ලෝඩ් කරන්න  ගියාම පන යනවා  අනේ . ඒ නිසා  ඔය මදැයි, වැඩියෙන්ම පන්තිය පාලු කටකාරිගේ ලියමන  පොස්ටුවට එකතු කරන්න බැරිව ගියා .ඒකිගේ තරම කියනවනං ඉස්කෝලේ ලොකු හාමුදුරුවොත් විහිලුවට අල්ලගන්න ජාතියේ එකියක් !වක්කඩ කැඩුවා වගේ කියවිල්ල.රසබර කතා එහෙම එමට දන්නවා .අපිත් ඕව අහන්නේ කටවල් ඇරගෙන . මෙයාල දැන් තැන් තැන්වල .සමහරු අලුත් ජීවිත ගත කරනවා .සමහරු රස්සාවල් වල .තවත් සමහරු තවමත් ඉගෙන ගන්නවා .මෙතන සමරු නැති මගේ ජීවිතේට සමීප ගොඩක් ය ඉන්නවා .එයාල ගැන තොරතුරක් දැනගන්න මං ආසාවෙන් බලන් ඉන්නවා .

                                                                                                          

ප ලි   ::::::::::ඔන්න දැන් මේ පොස්ට් එක බලලා අද ඉඳන් මට හාවා කියන්න ඔට්ටු නෑ හරිද ?ඒක සම්පුර්ණයෙන්ම ඉස්කෝලෙට විතරක් අයිති නමක්  ! පිටදී පාවිච්චිය තහනං . ඉස්කෝලෙදි අපේ සෙක්ෂන් ටීචර් ,ලොකු හාමුදුරුවෝ එහෙම ප්‍රශ්න අහද්දී "ආ හා පැටියා කියන්න බලන්න උත්තරේ " කියල එහෙම කිවුවේ නෑලු .