මේ යුධ වාතාවරණයෙන් පසු ඉතා විශිෂ්ට දියුණුවකට පත් විය හැකි වුයේ..දකුණු කොරියාවට පමණි.උතුරු කොරියා රාජ්‍යය න්‍යෂ්ටික අවි හා අවි යුධ තාක්ෂණයෙන් ඉදිරියෙන් සිටියත් දකුණු කොරියාව මෙන් ඉහල නිෂ්පාදන ආර්ථික මට්ටමක් හෝ ඉහල සංවර්ධන මට්ටමකට ළගා වී නැත.
කෙසේ වෙතත් ,ඉහල නිෂ්පාදන කර්මාන්ත ශාලා ඇති දකුණු කොරියාව විසින් දැනට රටවල් 18 කින් ශ්‍රමිකයන් ගෙන්වනු ලබති..ඒ අතර ශ්‍රී ලංකාවද වේ..ශ්‍රී ලාංකික තරුණ තරුණියෝ නිෂ්පාදන කර්මාන්ත ශාලා මෙන්ම නැව් ආශ්‍රිතව ,ධීවර කර්මාන්තයන්හි සේවයට බඳවා ගනිති..ශ්‍රී ලාංකිකයෝ 30,000 කට අධික පිරිසක් දකුණු කොරෙයාවේ දැනට සේවයේ නිරත වේ .ශ්‍රී ලාංකික තරුණයන්ගේ ශ්‍රමික පිරිසට වැඩ තරුණියන්ගේ ශ්‍රමික පිරිස අඩුය..තම අනාගත බලාපොරොත්තු සඵල කර ගැනීම සඳහා වෙහෙසවන ඔවුන් විශාල විදේශ විනිමයක් රටට දායාද කර දෙන්නෝය.නමුත්...අවාසනාවන්ත ලෙස එම රට තුලදී ජීවිතයෙන් සමුගන්නට ද සමහර විටෙක ඔවුනට සිදු වනු ඇත..එමෙන්ම කෙමිකල් වර්ග යොදාගන්න කර්මාන්ත ශාලා , බිහිසුණු යන්ත්‍ර උපකරණ සහිත කර්මාන්ත ශාලා තුල දී ඔවුනට සිදුවන අනතුරු වේදනාකාරී ය.ඇස් අන්ධ වූ ,අතැගිලි අත් පා අහිමි වූ සහ විවිධ අනතුරුවලට ලක් වූ පිරිස ද ඒ අතර වෙති.. කොරියා රාජ්‍යයේ සේවය කරන ශ්‍රී ලාංකිකයින් අතරින් පමණක් අවුරුද්දක් තුල 7 දෙනකුගේ පමණ මිය යාමේ සම්භාවිතාව ක් ඇති බව විදේශ සේවා නියුක්ති කාර්යාංශ ප්‍රකාශ කරයි.. කර්මාන්ත ශාලා තුලදී මිය ගිය හෝ අත් පා ආදී කොටස් අහිමි වූ..විදෙස් සේවකයන් හට වන්දි මුදලක් ගෙවීමට කර්මාන්ත ශාලා හිමියෝ බැඳී සිටිති.තවද සේවකයින් සදහා රක්ෂණාවරණ ක්‍රමයක් ද ක්‍රියාත්මක වේ..
මේ ඉන්නේ සොනාලි සහ බන්දුල..කොරියාවේ දහසක් බලාපොරොත්තු මැද සේවය කරපු දෙන්නෙක්.එත් එයාලට එකට ජීවත් වෙන්න වාසනාව තිබුනේ බොහොම ටික කාලයයි.සොනලිත් බන්දුලත් හිටපු කන්ටේනර් පෙට්ටිය ගිනි අරගෙන එයාල වගේම එයාලගේ බලාපොරොත්තුත් අළු දුවිලි වෙලා ගියා.කොරියාවේ ගෑස් ටැංකි පුපුරලා ගිනි ගැනීම් බහුලව සිද්ද වෙනවා.බන්දුල අවසන් ගමන් යනවිට, සොනලිත් සමග එකට ජීවත් වෙන්න හිතාගෙන හදපු පුංචි මාලිගාව වත් දැකල තිබුනේ නැහැ.අවාසනාවන්ත උනත් මෙවැනි සිදුවීම් අසන්නට ලැබෙනවා.
එපමණක් නොවේ.. කොරියාවේ මාස 06 ක් පවතින ශීත කාලගුනයෙනුත් , ඉතුරු මාස තුල පවතින අධික රස්නය සහිත දේශගුනයෙනුත් පීඩිතව මාස ගණන්, අවුරුදු ගණන් පුරාවට සේවයේ යෙදෙන අපේ මිනිසුන් විදින්නේ පුදුමාකාර දහා දුකකි.ඒ අතින් බලනා කල ශ්‍රී ලංකාව දිව්‍ය විමානයකි.කොයි තරම් මිනිසුන් මිය ගියද , අනතුරු වලට ලක් වුවද ,මෙම සේවක සේවකාදීන් ගේ බලාපොරොත්තු මේ කටුක ඉරණමට මුහුණ දීමට ශක්තියක් වේ.
